Равшан Эрматов: "Биз ҳали биринчи синфмиз!"

ЎФА раҳбари терма жамоамиз ҳали ривожланиш босқичида эканлигини таъкидлади.

"Ҳисоб 0:2 бўлиб турган вақтда голимиз инобатга олинганида эди... Бироз адолатсизлик бўлди, лекин бунга ҳам кўнамиз. Нима бўлган тақдирда ҳам, биз ҳозир ривожланиш босқичидамиз. Муҳтарам Президентимиз томонларидан барча шароитлар яратиб берилмоқда. Бизга озгина вақт керак, чунки ҳеч нарса ўз-ўзидан бўлиб қолмайди. Биринчи синф ўқувчиси тўққизинчи синф боласи билан рақобатлаша оладими? Биз ҳозирча худди биринчи синфдекмиз. Буни тўғри тушунишимиз лозим. Бу гаплар ўзини оқлаш эмас, балки вазиятни реал қабул қилишдир. Шундай кунлар келадики, ҳали Португалия Ўзбекистондан қўрқиб майдонга тушадиган бўлади. Агар ривожланиш йўлимиздан тўғри кетсак, бу кунларга албатта эришамиз

Беҳруз Каримовнинг 18 ёшида бундай юқори даражада ўйин кўрсатаётганига бутун дунё лол қолмоқда. Янги Ўзбекистонда эса бунинг имкони бор. Ушбу илк тажриба бизга нималарнинг устида ишлашимиз кераклигини ва қайси йўлдан боришимиз лозимлигини кўрсатиб бермоқда. Мазкур Жаҳон чемпионати биз учун жуда муҳим эди ва у ўсишга эришишимиз йўлида катта мактаб вазифасини ўтаяпти. Муҳтарам Президентимиз ва халқимиз билан бир тан-у бир жон бўлиб, келажакда улкан ютуқларга албатта эришамиз",- деди Равшан Эрматов.