19 июл 09:48
Янгиликлар

Теннис

Яккаликда ютқазган Истомин жуфтликда ҳам мағлуб бўлди

Швециянинг Бастад шаҳрида соврин жамғармаси 561 345 еврони ташкил қилувчи ATP турнири давом этмоқда.

Skistar Swedish Open турнирида ҳамюртимиз Денис Истомин ҳам иштирок этаётганди. Мамлакатимизнинг биринчи ракеткаси яккалик мусобақасининг илк босқичида дунё рейтингида 343-ўринни эгаллаб турган швециялик Микаэль Имерга кутилмаганда имкониятни бой бериб қўйган эди.

Кеча куннинг иккинчи ярмида Истомин жуфтликдаги иштирокини ҳам тўхтатди. Молдовалик Раду Албот билан жуфтлик ҳосил қилган ҳамюртимиз 1 соат давом этган чорак финал учрашувида чилилик Хулио Перальта ҳамда аргентиналик Орасио Себельос тандемига 1:6, 3:6 ҳисобида ютқазишди.