29 окт 18:25
Янгиликлар
Теннис
Якуний турнир (WTA): Возняцки - кучлилар мусобақаси чемпиони!
Сингапурда хотин-қиз теннисчилар ўртасидаги мавсумнинг Якуний турнири ўз якунига етди.
Соврин жамғармаси 7 миллион долларни ташкил қилувчи BNP Paribas WTA Finals Singapore мусобақасида дунёнинг энг кучли саккиз нафар теннис маликалари бош мукофот учун баҳс олиб боришди. Якунда Каролин Возняцки чемпионга айланди.
Дунёнинг олтинчи ракеткаси бўлган даниялик бу теннисчи ҳал қилувчи финал учрашувида Винус Уильямс (АҚШ, 5) билан тўқнаш келди. Бир соату 29 дақиқа давом этган баҳсда Каролин 6:4, 6:4 ҳисобида зафар қучди. Уильямс Возняцкидан 10 ёшга катта эканлиги эътиборга молик ҳолат.
Таъкидлаш жоиз, шу кунгача икки теннисчи ўзаро 7 маротаба учрашишган бўлса, уларнинг барчасида Винуснинг қўли баланд келганди. Бугун Каролин илк ғалабасини тантана қилди.
Ҳавола :
Фикрлар