23 янв 08:46
Янгиликлар

Бокс/ММА

Яна бир даҳшатли чемпионлик жанги эълон қилинди

UFC томонидан яна бир қизиқарли бўлиши кафолатланган чемпионлик жанги тасдиқланди.

Яримоғир вазн тоифасида амалдаги UFC чемпиони Гловер Тейшейра 7 май куни илк ҳимоя жангини ўтказади. У Бразилиянинг Рио-де-Жанейро шаҳрида ташкил этиладиган UFC 274 турнирида рейтингнинг иккинчи поғонасидан жой олган Иржи Прохазкага қарши октагонга кўтарилади.

Маълумот учун, 29 ёшли Иржи Прохазка шу кунгача UFC байроғи остида иккита жанг ўтказди. У яримоғир вазн тоифаси UFC камари учун собиқ даъвогарлар Волкан Оздемир ва Доминика Рейесни нокаутга учратди.

42 ёшли Гловер Тейшейра эса 6 та ғалабадан иборат серияни давом эттирмоқда. Ўтган йилнинг октябрь ойида Ян Блаховични бўғиш усули билан мағлуб этиб, чемпионнинг камарини тортиб олган эди.