18 июл 12:05
Янгиликлар

Бокс/ММА

Яна бир россиялик жангчи UFCда дебют қилади, рақиб ҳам маълум

Россиялик ММА жангчиси Тагир Уланбеков UFC промоушенида дебют қилади.

Уланбековнинг UFCдаги илк жанги 12 сентябрь куни бўлиб ўтади. Бу ҳақида спортчининг менежери Али Абдул-Азиз хабар берди. Али енгил вазнда UFC чемпиони ва юлдузи Хабиб Нурмагомедовнинг ҳам менежери ҳисобланади.

Тагир Уланбековнинг рақиби Бруно Силва бўлади. Бразилиялик спортчи UFCда иккита жанг ўтказган. Унинг Халид Тахага қарши ўтказилмаган деб топилган бўлса, Давид Дворакка қарши жангда эса мағлубият аламини тотиб кўрган эди.

Эслатиб ўтамиз, аслида Уланбеков 18 июль куни "Жанглар ороли"даги UFC турнирида Александр Доскальчукка қарши октагонга чиқиши лозим эди. Аммо, Абдулманап Нурмагомедовнинг вафоти сабаб Тагир Абу-Дабига бормасликка қарор қилганди.