Яна икки теннисчига Australian Open-2024 учун wild card берилди

Australian Open-2024 турнири ташкилотчилари мусобақанинг асосий тўрида тўғридан-тўғри қатнашиш ҳуқуқини берувчи имтиёзли wild card йўлланмаларини яна икки теннисчига тақдим этишди. 

Айни пайтда WTA рейтингида 116-ўринни эгаллаб турган Ализе Корне ҳамда ATP рейтингида 130-поғонадан жой олган Артур Казо wild card чиптаси соҳибига айланди. Ҳар икки теннисчига имтиёзли йўлланма Австралия ва Франция теннис федерациялари ўртасидаги ўзаро келишув асосида тақдим этилди. 

Маълумот учун, 21 ёшли Казо фаолиятида иккинчи бор "Катта Дубулға" турнирининг асосий тўрида ўйнайди. Австралия Очиқ чемпионатида эса илк бор иштирок этади. 33 ёшли Корне Australian Open турнирида қаторасига 19-маротаба қатнашади. Унинг энг яхши натижаси 1/4 финал ҳисобланади. У 2022 йилги турнирда чорак финалга қадар етиб борганди. 

Маълумот учун, 2024 йилги Австралия Очиқ чемпионати 14-28 январь кунлари оралиғида ўтказилади.