06 май 09:13
Янгиликлар

Бокс/ММА

"Янги қирол келмоқда". UFC дебютанти Ислам Махачевга таҳдид қилди

Кеча тонг саҳарда Бразилиянинг Рио-де-Жанейро шаҳрида UFC 301 турнири бўлиб ўтганди.

Ушбу оқшом доирасида бразилиялик Маурисио Руффи UFC промоушенидаги дебют жангини ўтказди. У биринчи раунднинг ўзидаёқ Жейми Малларкини техник нокаутга учратишга муваффақ бўлди. Жанг якунланганидан кейин Руффи енгил вазнда UFC чемпиони Ислам Махачевга мурожаат қилди.

"Менинг Ислам Махачевга айтар сўзларим бор. Дўстингни мағлуб этганим учун мендан хафа эканингни биламан. Ҳозир имкониятинг борида чемпионлик чўққисида роҳатланиб тур. Янги қирол келмоқда! Буни ҳис қилиб тур", — деган Руффи.

Маълумот учун, 30 ёшли Маурисио Руффи ММАда 10 та ғалаба ва 1 та мағлубият қайд этган. Ўтган йилнинг октябрь ойида Dana White’s Contender Series шоусида россиялик Раймонд Магомедалиевни нокаутга учратиб, UFC промоушени билан шартнома имзолаганди.