Январь ойининг энг яхши теннисчиси бўлишга даъвогар қизлар рўйхати маълум қилинди

Свитолинадан ташқари бу номга германиялик Анжелик Кербер, руминиялик Симона Халеп ҳамда даниялик Каролин Возняцки даъвогарлик қиляпти. Улар орасида Австралия Очиқ чемпионати ғолибасига айланган Возняцкининг имкониятлари юқорироқ баҳоланмоқда.

Айни пайтда WTA расмий сайтида январь ойининг энг яхши теннисчисини аниқлаш мақсадида сайт ўқувчилари ўртасида сўров ўтказилмоқда. Свитолина январь ойида Брисбен, Кербер Сидней, Халеп эса Шэньчжендаги турнирда бош мукофотни қўлга киритган эди.