Японияда тахсил олган ўзбекистонлик мураббийга халқаро сертификат топширилди + ФОТО

Бир ой давом этган ушбу семинарда Хитой, Саудия Арабистони, Покистон, Мьянма, Исроил, Сурия ва Ўзбекистондан таклиф этилган мураббийлар иштирок этишди ҳамда ўз тажрибаларини оширишди. 

Хабар берганимиздек, юртимиздан мазкур семинарга истеъдодли мураббий Муҳаммад Беҳзод Бахтиёров таклиф этилганди. Семинарга Олимпиада чемпиони, Япония терма жамоаси мураббийи Косей Иноуэ бошчилик қилди. 

Бир ойлик семинар якунида мураббийларга Японияда малакасини оширганлиги ҳақидаги тегишли диплом, сертификат ва гувоҳнома топширилди. Энди мураббийлар ўз юртларида Кунчиқар мамлакатда ўрганган билимларини семинар тариқасида ёш ҳамкасблари ҳамда ҳакамларга ўтишади.