Японияга аталган Будапешт турнирида Ўзбекистон нечанчи ўринни эгаллади?

Ушбу мусобақа Япония терма жамоасига аталди десак хато бўлмайди. Дзюдо ватани вакиллари 8 та олтин ва 1 та бронза медали билан умумжамоа ҳисобида биринчи ўринни эгаллашди. Кунчиқар юрт вакиллари ва иккинчи ўриндаги Италия ўртасидаги тафовут 7 та олтин медални ташкил қилган. Кучли учликка бразилиялик дзюдочилар 1 тадан олтин, кумуш ва бронза медаллари билан якун ясашди. 

Етти спортчи билан иштирок этган Ўзбекистон терма жамоаси эса 1 та кумуш ва 1 та бронза медали билан 37 давлат дзюдочилари орасида 12-поғонадан жой олди. Раҳимжон Субҳонов кумуш, Шоҳруҳ Бахтиёров бронза медалини терма жамоамизга тақдим этганди.