Япониянинг Ўзбекистондаги элчихонаси вакиллари ва ОАВ дзюдо федерациясига ташриф буюрди ФОТОГАЛЕРЕЯ

Тадбирда журналистлар Япония халқаро ҳамкорлик агентлиги (JICA) билан ҳамкорликда юртимизда амалга оширилаётган лойиҳалар билан танишди. Пресс-тур йўналишидаги манзиллардан бири Ўзбекистон дзюдо федерацияси бўлди. 

Маълумки, JICA фаолиятида волонтёрлик ҳам алоҳида ўрин эгаллайди. Журналистлар дзюдо бўйича тренер-волонтёр билан танишиш мақсадида Ўзбекистон Дзюдо федерациясига ташриф буюришди. Япониялик мураббий Ашида Коки бир йилдан кўпроқ вақт мобайнида ўзбекистонлик ёшларга сабоқ бериб келмоқда.

"Тошкентда ўзимни Япониядагидек ҳис қиламан. Менга Ўзбекистон ёқади. Бу ерда кўплаб дўстлар орттирдим. Инсонларининг хушмуомалалиги, таомларининг мазалилиги алоҳида мавзу. Юртингизда бўлиб турганимдан, бу ерда ўз тажрибамни ошираётганимдан хурсандман", - дейди Коки.