Йилнинг сўнгги "Мастерс" турнирида иштирок этадиган таркиб маълум

Йилнинг сўнгги "Мастерс"ида дунёнинг 5 қитъаси 59 мамлакатидан жами 395 (207 эркак, 188 аёл) нафар дзюдочи мусобақа медаллари ҳамда Париж-2024 Олимпия ўйинларининг муҳим рейтинг очколари учун татамига чиқади. 

Улар қаторида Ўзбекистон терма жамоасининг 17 нафар аъзоси ҳам баҳсларга киришади. -73 кг вазн тоифасида бир йўла 4 нафар дзюдочимиз - Шаҳрам Аҳадов, Обидхон Номонов, Муроджон Йўлдошев ва Ҳикматуллоҳ Тўраев юртимиз шарафини ҳимоя қилади. 

Айни пайтда Япониядаги халқаро ўқув-машғулот йиғинида иштирок этаётган жамоамиз 16 декабрь куни Токиодан тўғри Исроилга йўл олади.    

"Мастерс"да қатнашадиган жамоамиз таркиби:

-60 кг: Дилшодбек Баратов

-66 кг: Сардор Нуриллаев, Муҳриддин Тиловов

-73 кг: Шаҳрам Аҳадов, Обидхон Номонов, Муроджон Йўлдошев, Ҳикматуллоҳ Тўраев

-81 кг: Шарофиддин Болтабоев

-90 кг: Давлат Бобонов

-100 кг: Музаффарбек Тўрабоев, Отабек Тўрабоев

+100 кг: Алишер Юсупов, Шоҳруҳхон Бахтиёров

Аёллар

-52 кг: Сита Кадамбоев, Диёра Келдиёрова

-70 кг: Гулноза Матниязова, Шоҳиста Назарова