13 сен 14:43
Янгиликлар

Бокс/ММА

Йоэль Ромеро қўлқопсиз жангларида дебют қилди

UFC ва Bellator чемпионлик камарларига собиқ даъвогар Йоэль Ромеро Флоридада бўлиб ўтган BKFC 80 турнирида жанг ўтказди.

Оғир вазн тоифасида кечган ушбу тўқнашувда кубалик 48 ёшли Ромеро рақиби Тео Дукас устидан муддатидан олдин ғалаба қозониб, қўлқопсиз жангларда муваффақиятли дебют қилди.

Жанг давомида Ромеро Дукасни уч марта нокдаун ҳолатига тушириб қўйди. Учинчи нокдаундан кейин рефери иккинчи раунднинг иккинчи дақиқасида жангни тўхтатди. Америкалик спортчи пешонасидаги жиддий жароҳат туфайли жангни давом эттира олмади.

Ромеро 2020 йилда UFC`ни тарк этганидан кейин турли Лигаларда саккизта жанг ўтказиб, 6 ғалаба ва 2 мағлубият қайд этди. Икки мағлубиятини Фил Дэвис ва Вадим Немковдан қабул қилиб олди.