Ёш чанғичилар орасидан энг кучлилари аниқланди

Баҳсларда 40 нафар спортчи (12 нафари қизлар) иштирок этди.

Гигант слалом бўйича белгиланган масофанинг узунлиги ва мураккаблигига кўра бир-биридан фарқланувчи икки хил трассада ўтказилган баҳслар давомида турли ёш тоифасидаги ўғил болалар ва қизлар ўртасида жами 18 та медаллар жамланмаси ўз эгаларига топширилди.

Гуруҳлар таркиби 2008 йилда туғилган ва ундан кичик ёшдаги, шунингдек, 2005-2007, 2003-2004, 2001-2002, ҳамда 1998-2000 йилларда туғилган чанғичилардан иборат эди.

Жисмоний тарбия ва спорт вазирлиги, Қишки ва мураккаб спорт турлари бўйича Республика олий спорт маҳорати мактаби ва Қишки спорт турлари ассоциацияси ҳамкорлигида ташкил этилган мусобақада Арман Гаюпов, Ролан ва Роуан Раимқуловлар, Алия Жумабоева, Сабина Ражабова, Чингиз Сайназаров, Эллина Хаматгалиева, Медет Назаров, Самандар Асанов, Раъно Имонқулова ва Собир Ражабов ўз гуруҳларида ғолиб деб топилди.