05 май 13:44
Янгиликлар

Дзюдо

Ёш дзюдочиларимиз Ақтаудан медаллар билан қайтишди

Қозоғистоннинг Ақтау шаҳрида дзюдо бўйича ўсмирлар ўртасида халқаро турнир бўлиб ўтди.

Анъанавий тарзда ўтказиб келинаётган ушбу мусобақада 2003-2004 ҳамда 2006-2007 йилларда таваллуд топган ўсмир ва қизлар татамига чиқишди. XI халқаро турнирда юртимиз дзюдочилари ҳам муваффақиятли тарзда иштирок этишди.

Жумладан, -35 кг вазн тоифасида юртимиз шарафини ҳимоя қилган Юнусбек Шавкатов барча рақибларини мағлубиятга учратиб, халқаро мусобақа ғолибига айланди.

Шу вазн тоифасида иштирок этган Амирбек Отабоев ва Асадбек Эгамберганов бронза, -46кг вазндаги юртдошимиз Имомаддин Каримов эса кумуш медални қўлга киритди.

Шунингдек, ўз вазн тоифаларида Зуҳра Умарова, Мардонбек Аҳмедов, Юнусбек Шавкатов, Жавоҳир Илҳомов бронза медалларига сазовор бўлишди.