13 май 17:02
Янгиликлар
Дзюдо
Ёш дзюдочиларимиздан навбатдаги медаллар!
Ливанда дзюдо бўйича ўсмирлар ўртасида Осиё чемпионати бўлиб ўтмоқда.
Ўтказилган беллашувлар якунига кўра, спортчиларимиз умумий ҳисобда 6та медаль қўлга кирита олдилар. Вакилларимиз 2та олтин, 1та кумуш ва 3та бронза медалини терма жамоамиз ҳисобига қўшиб қўйишга муваффақ бўлдилар.
Ҳамюртларимиздан Беҳруз Амандавлатов (-66кг) ва Гулнур Муратбаева (-44кг) олтин, Дилшодбек Йўлдошев (-66кг) кумуш, Диёра Келдиёрова (-48кг), Ибодат Агажанова (-57кг) ва Обидхон Номонов (-73кг)лар бронза медали соҳибига айландилар.
Эслатиб ўтамиз, ушбу Осиё чемпионати III ёзги ўсмирлар Олимпия ўйинлари учун муҳим бўлган рейтинг очколарини ҳам беради.
Ҳавола :
Манба : olympic.uz
Фикрлар