Ёшларимиз Осиё чемпионатига саудияликлар билан бирга тайёргарлик кўришяпти ФОТОРЕПОРТАЖ

Ушбу қитъа биринчилигида Ўзбекистон ўсмирлар, қизлар ва ёшлар терма жамоалари тўлиқ таркиб билан иштирок этади. Айни пайтда ўсмир ва қизларимиз Чирчиқ шаҳридаги "Кимёгар" спорт мажмуасида, Камол Муродов ва Искандар Расулов мураббийлигидаги ёшларимиз эса Ўзбекистон дзюдо федерацияси қошидаги енгил конструкцияли дзюдо залида Осиё чемпионатига тайёргарликни маромига етказишяпти.

Эътиборлиси, машғулотларда Саудия Арабистони терма жамоаси дзюдочилари ҳам қатнашишяпти. Ушбу халқаро ўқув-машғулот йиғини Ўзбекистон ва Саудия Арабистони дзюдо федерациялари ўртасида имзоланган Меморандум асосида ўтказилмоқда.