28 июл 14:28
Янгиликлар

Дзюдо

Загреб Гран-приси. Шаҳзодбек Собиров ғалаба билан бошлади

Хорватиянинг Загреб шаҳрида дзюдо бўйича Гран-при туркумига кирувчи нуфузли турнирнинг сўнгги, учинчи кунги баҳслари бошланди.

Ҳамюртларимизнинг бугунги иштирокини Шаҳзодбек Собиров бошлаб берди. -90 кг вазн тоифасидаги дзюдочимиз илк даврада украиналик Дмитро Бережнига қарши баҳс олиб борди ва рақибини муддатидан аввал мағлуб этди.

Энди Шаҳзодбек Собиров иккинчи давра беллашувида қирғизистонлик Фаруч Булекуловга қарши татамига чиқади. Булекулов биринчи босқичда исландиялик Эгил Блондалдан устун келди.