30 ноя 17:47
Янгиликлар

Бокс/ММА

Зиддият давом этади. Хабибнинг жамоадоши Лобовни октагонга чорлади

Енгил вазнда UFC чемпиони Хабиб Нурмагомедовнинг АКА залидаги жамоадоши Луис Пенья ярим енгил вазн тоифасига ўтиш истагида эканлигини маълум қилди.

Пенья бундай қарорга Артём Лобов билан жанг қилиш учун келганлигини айтди. Хабиб ва Лобов ўртасидаги жанжал жорий 2018 йилнинг энг асосий жанжали бўлган эди.

“Бу жуда муҳим жанг. Чунки, ҳар иккимиз ҳам сўнгги жангимизда мағлубиятга учраганмиз. Мен дебют жангимда Лобовнинг жамоадошини мағлуб этганман.

Қолаверса, АКА ва SBG залларининг ҳам Хабиб ва Конор Макгрегор сабаб ўзаро ҳисоб-китоби бор. Мен ўз қароримни эълон қилдим. Энди навбат Лобовга”, - деди Пенья.