13 янв 15:28
Янгиликлар

Бокс/ММА

Зубайра четлатилса, Хабиб UFC билан хайрлашади

UFC чемпиони Хабиб Нурмагомедовнинг дўсти доғистонлик Зубайра Тухуговнинг иши юзасидан чиқариладиган қарор катта ўзгаришларга сабаб бўлиши мумкин.

Хабибнинг отаси ҳам мураббийи Абдулманап Нурмагомедовнинг айтишича, агар Зубайра Невада штати Спорт қўмитаси томонидан четлатиш олса, унинг ўғли UFCдан кетади..

“Хабиб билан гаплашдим ва у агар Зубайра четлатиш олса, UFC промоушени билан ҳамкорликни тўхтатади. Бу ерда гап пулда эмас. Биз дўстларимиз ва жамоадошларимиз ҳақида қайғурамиз. Зубайра Хабиб билан 5-6 йилдан бери бирга битта залда машғулот ўтказиб келяпти. Унинг четлатилиши биз учун катта йўқотиш сифатида қабул қилинади”, - деди Абдулманап Нурмагомедов.

Маълумот учун, Тухугов ва UFC ўртасидаги можаро Хабиб Нурмагомедова ва Конор Макгрегор ўртасидаги жанг якунидаги ҳолатдан сўнг бошланган эди. Ўшанда Зубайра оммавий муштлашувнинг иштирокчиларидан бири бўлганди.