22 ноя 09:09
Янгиликлар

Теннис

Зверев ATP Finals ғолиби, $1,628 млн мукофот пули ва 1300 рейтинг очкоси соҳиби

Италиянинг Турин шаҳри мезбонлик қилган теннис бўйича ATP Якуний турнири германиялик ракетка устасининг ғалабаси билан якунланди.

Дунёнинг учинчи ракеткаси бўлиб турган Александр Зверев ATP Finals ҳал қилувчи финал учрашувида рейтингда ўзидан бир поғона юқорида турган россиялик Даниил Медведевни икки сетда ҳам бир хил ҳисобда мағлуб этишни уддалади - 6/4, 6/4.

Бир соату 16 дақиқа давом этган баҳсда Александр 7 та, Даниил эса 3 та эйс зарбасини ижро этди. Теннисчиларнинг ўзаро учрашувларидаги ҳисоб мувозанати тикланди - 6:6.

Зверев мавсумдаги олтинчи, фаолиятидаги 19-совринини қўлга киритди. Туриндаги муваффақиятли иштирок олмон теннисчисига $1,628 миллион мукофот пули ҳамда 1300 рейтинг очкоси тақдим этди. Медведев эса $1,222 миллион ва 1000 очко ишлаб олди.