21 мар 16:36
Янгиликлар

Теннис

Зверев Мексикадаги турнирда тенгсиз бўлди

Мексиканинг Акапулько шаҳрида теннис бўйича нуфузли ATP турнири якунланди.

Ҳал қилувчи финал учрашувида дунёнинг еттинчи ракеткаси, германиялик Александр Зверев рейтингда ўзидан икки поғона юқорида бораётган грециялик Стефанос Циципасга қарши кортга чиқди. Икки соату 19 дақиқа давом этган баҳсда Зверев рақибини 6/4, 7/6(3) ҳисобларида мағлуб этди.

Бу 23 ёшли Александрнинг фаолиятидаги 14-соврин бўлди. Ўзаро учрашувларда эса ҳамон Циципас олдинда бормоқда - 5:2. Abierto Mexicano Telcel турниридаги муваффақиятли иштирок Зверевга 88,940 доллар мукофот пули ҳамда 500 рейтинг очкосини тақдим этди.