Australian Open. Dunyoning birinchi raketkasi qozog'istonlik tennischga yutqazdi

Mavsumning ilk "Katta Dubulg'a" turnirining ayollar o'rtasidagi bahslarida sayyoramizning birinchi raketkasi Iga Svyontek kutilmaganda mag'lubiyat alamini totib ko'rdi. Polshalik tennis malkasi 1/8 final uchrashuvida WTA reytingida 25-pog'onada borayotgan qozog'istonlik Elena Ribakinaga 4/6, 4/6 hisobida imkoniyatni boy berdi.

Ribakina tennischilarning o'zaro uchrashuvlaridagi hisob muvozanatini tikladi - 1:1. Svyontek 2, Ribakina 6 ta eys zarbasini amalga oshirdi. Ikkala tennischi ham 1 tadan qo'shxatoga yo'l qo'ygan. Breyklar Igada 2 ta, Elenada 4 tani tashkil etdi.