Bugun peshqadam Abdusattorov eng yaqin taqibchisi bilan to'qnash keladi

Vugar Gashimov xotirasiga bag'ishlab o'tkazilayotgan ananaviy musobaqada dunyoning nomdor 10 grossmeysterlari qatorida rapid bo'yicha amaldagi jahon chempioni, Butunjahon shaxmat olimpiadasi g'olibi Nodirbek Abdusattorov ham bosh sovrin uchun dona suryapti.

Fairmont Baku mehmonxonasida o'tayotgan musobaqaning ikkinchi kungi bahslaridan so'ng hamyurtimiz hamon yakka peshqadam bo'lib turibdi. Nodirbek o'tkazilgan 6 partiyaning 4 tasida g'alaba, 2 tasida durang natija qayd etib, 10 ochko bilan karvonboshilikni davom ettiryapti. 

Bugun Abdusattorov 7-turda eng yaqin taqibchisi ozarbayjonlik Rauf Mammedovga qarshi oq donalar bilan o'ynaydi. Mamedov 9 ochko bilan ikkinchi o'rinni egallab turibdi. Xitoylik Van Xao 8 ochko bilan kuchli uchlikka yakun yasagan.  

Hamyurtimiz ishtirokidagi bugungi o'yinlar:

7-tur. Nodirbek Abdusattorov - Rauf Mamedov (Ozarbayjon)

8-tur. Nodirbek Abdusattorov - Richard Papport (Ruminiya)

9-tur. Gukesh (Hindiston) - Nodirbek Abdusattorov

Turnir jadvalidagi holat: Nodirbek Abdusattorov – 10 ochko, Mamedov - 9, Van Xao - 8, Valexo – 7, Rapport, Mamedyarov, Gadimbeyli, Gukesh – 5, SHenklend - 4, Suleymanli – 2.