Mavsumning ilk "Katta Dubulg'a" turniri - Australian Open'ni qaysi yulduz tennischilar o'tkazib yuboradi?

Karlos Alkaras (Ispaniya)

Turnirning asosiy yo'qotishi albatta ATR reytingi etakchisi 19 yoshli ispaniyalik Karlos Alkaraz bo'ldi. U mavsumoldi mashg'ulotda oyog'idan jarohat oldi va mavsumning ilk "Ulkan Toj" turnirini o'tkazib yuboradigan bo'ldi.

Karlos US Open'ning amaldagi chempioni hisoblanadi. Bu uning "Katta Dubulg'a" turnirlaridagi ilk chempionligidir. Australian Open'da u hali 3-bosqichdan uyog'iga o'tolmagan. 

Vinus Uilyams (AQSH)

42 yoshli tennis afsonasiga wild card berilgandi. Ammo Vinus Oklenddagi turnirda jarohat oldi. Uning taklifnomasi esa avstraliyalik Kim Birrellga berildi.

Etti karra "Katta Dubulg'a" turnirlari chempioni Australian Open'da yakkalik bahslarida g'alaba qozona olmagan, lekin u buni to'rt marta juftlikda va bir marta aralash juftlikda amalga oshira olgan.

Naomi Osaka (Yaponiya)

To'rt karra "Ulkan Toj" turnirlari chempioni ham Australian Open'ni o'tkazib yuboradigan bo'ldi. Ishtirokchilar ro'yxatida u ukrainalik Dayana Yastremska bilan almashtirildi.

Osaka ikki marta mavsumning birinchi "Katta Dubulg'a" turnirida g'alabani qo'lga kiritgan: 2019 va 2021 yillarda.

Simona Xalep (Ruminiya)

Ikki karra "Katta Dubulg'a" g'olibi hali ham vaqtinchalik diskvalifikaciya ostida. Uning doping ishi bo'yicha tergov hamon davom etmoqda.

Xalepning Avstraliya Ochiq chempionatidagi eng yuqori natijasi 2018 yilda finalga chiqishi bo'lgan. Finalda u Karolin Voznyackiga yutqazgandi.

Gael Monfis (Franciya)

36 yoshli Monfsni o'tgan mavsumdagi jarohatlar taqib qilishda davom etmoqda. 2023 yil ham u xohlagandek boshlanmayapti.

Ammo Gaelda uzoqqa borish uchun yaxshi imkoniyatlar bor edi. Bir yil oldin u Australian Open'dagi eng yaxshi natijasini takrorlab, chorak finalga chiqqandi.

Reyli Opelka (AQSH)

25 yoshli amerikalik tennischi ham haligacha jarohatlardan tuzalmagan. 2022 yilda u Avstraliya Ochiq chempionatining uchinchi davrasiga qadar etib borgan va u erda Denis SHapovalovga yutqazgan.

Eslatib o'tamiz, Australian Open'ning asosiy to'r bahslariga 16 yanvar kuni start beriladi. Ayni vaqtda turnirning saralash bahslari bo'lib o'tyapti. 

Xurshida Abdikulova tayyorladi