05 apr 10:01
Yangiliklar

Tennis

Nigina Abduraimova yakkalik bahsida ham zafar quchdi

Xorvatiyaning Split shahrida tennis bo'yicha ITF W40 Split Women turniri davom etmoqda.

Ushbu musobaqada o'z omadini sinab ko'rayotgan hamyurtimiz Nigina Abduraimova juftlik bahslarida 1/4 finalga yo'l olgan edi. Mamlakatimizning birinchi raketkasi yakkalik bahsida ham muvaffaqiyatli start oldi. Abduraimova xorvatiyalik Yana Fettni 6/3, 7/6(2) hisobida taslim etdi. Endi u 1/8 finalda rossiyalik Anastasiya Gasanovaga qarshi kortga chiqadi.

Taqqoslash uchun, Nigina Abduraimova WTA reytingida 180, Yana Fett 249-o'rinni egallab turibdi. Niginaning rossiyalik raqibasi esa 273-pog'onada joylashgan.