UFC sobiq jangchisi Zarruh Adashev navbatdagi jangini qachon va qaerda o'tkazishini aytdi

O'zbekistonlik UFC sobiq jangchisi Zarruh Adashev ijtimoiy tarmoqlardagi sahifasi orqali navbatdagi jangi bo'yicha tafsilotlarni malum qildi.

Unga ko'ra, Adashev navbatdagi jangini 2023 yil fevral oyida, AQSHning Nyu-Jersi shtatida o'tkazadi. Hozircha uning raqibi haqida malumotlar yo'q.

"Hamma mendan so'rayapti qachon keyingi jang, deb. Rahmat qiziqqanlaringiz uchun, keyingi jangimni fevral oyida Nyu-Jersi shtatida uyushtirmoqchilar. Hammalaringizni kutaman, yaqin oralarda xabarini beramiz, Xudo xoxlasa", - deb yozgan Zarruh Adashev.

Adashev mazkur jang qaysi promoushenda o'tkazilishiga aniqlik kiritmagan.

Zarrux Adashev UFC'da to'rtta jang o'tkazib, ularning uchtasida mag'lub bo'lgan, bittasida g'alaba qozongan edi.