11 yoshli suriyalik qizaloq Tokio Olimpiadasiga yo'llanma oldi

Etiborlisi, ushbu musobaqa insoniyat uchun Olimpiya o'yinlariga yo'llanma olgan eng yosh atletlardan birini aniqlab berdi.

2009 yil 1 yanvar kuni Suriyada tug'ilgan Xend Zaza Iordaniyadagi turnir g'olibi bo'lib, Tokio-2020 Olimpiya o'yinlari ishtirokchisiga aylandi. Stol tennisi yosh chegaralanmaydigan sport turlaridan biri. Zaza esa Suriyada ichki nizolar boshlanayotgan payt dunyoga kelgan bo'lsa, bugunga kelib, urush o'chog'idan chiqqan 11 yoshli Olimpiadachi bo'ldi.

SHu tariqa Tokio-2020 da sayyoramiz ahli eng yosh atletlardan birining chiqishiga guvoh bo'lishi mumkin. Bu borada rekord ko'rsatkich greciyalik Dimitrios Lundrasga tegishli. Ushbu yunon sportchisi 1896 yil Afinada o'tkazilgan ilk Olimpiya o'yinlarida ishtirok etganida endigina 10 yosh 218 kunlik bo'lgan. Ahamiyatlisi, Lundras Afinada jamoaviy brus mashqida bronza medalini ham qo'lga kiritgan. SHuningdek, 1968 yil Franciyaning Grenobl mezbonligida o'tgan qishki Olimpiya o'yinlarida 11 yoshli ruminiyalik Beatris Xustyu figurali uchish bo'yicha ishtirok etgan.

Yani bir jihati, Tokio bu yil Olimpiadalar tarixidagi eng yoshi katta sportchini ham qabul qilishi mumkin. Ayni paytda yaponiyalik chavandoz Xirosi Xokecu o'z yurtida o'tadigan Olimpiya o'yinlarida qatnashish uchun tayyorgarlik ko'rmoqda. Xokecu 1941 yil 28 mart kuni tug'ilgan. 78 yoshli ushbu atlet faoliyati davomida Tokio-1964, Seul-1988, Pekin-2008 va London-2012 Olimpiadalarida qatnashgan.