2021 yil rejalari MOQ rahbariyati muhokamasida

Bir necha kun muqaddam jahon minbarlarida Tokio Olimpiadasining butunlay bekor bo'lishi haqidagi mish-mishlar XOQ va Yaponiya hukumati tomonidan asossiz deb topildi. SHunday ekan, bo'lajak musobaqaga har tomonlama puxta tayyorgarlik ko'rish talab etiladi. Kecha O'zbekiston Milliy olimpiya qo'mitasi rahbariyati federaciyalarda Olimpiya va Paralimpiya o'yinlariga ko'rilayotgan tayyorgarlik va boshqa bir qator mavzular bo'yicha yig'ilish o'tkazdi.

Uchrashuvni MOQ raisi Rustam SHoabdurahmonov olib bordi. Unda, shuningdek, Bosh kotib Oybek Kasimov, rais o'rinbosarlari Saken Polatov, Azizjon Kamilov, SHerzod Tashmatov, MOQ raisi devoni rahbari Miragzam Mirahmedov, axborot-tahlil departamenti direktori Rustam Tuktamishev ishtirok etishdi. Rustam SHoabdurahmonov uchrashuv davomida har bir federaciyalarda Olimpiya o'yinlariga olib borilayotgan tayyorgarlik, terma jamoalar uchun tashkil qilinayotgan yig'inlar, licenzion musobaqalar davri, Olimpiya o'yinlarida shohsupaga ko'tarilgan sportchi va uning murabbiylarini qanday rag'batlantirish, Xanchjou-2022 Osiyo o'yinlari va Parij-2024 Olimpiya o'yinlari uchun selekciya ishlarini olib borish kabi masalalar bo'yicha suhbat o'tkazdi.

SHuningdek, yig'ilish kun tartibidan yil davomida Toshkentda o'tkaziladigan yirik musobaqalarga tayyorgarlik mavzusi ham o'rin oldi. Malumki, mart oyining o'zida ilk bor poytaxtimizda o'tadigan dzyudo bo'yicha «Katta Dubulg'a» turniri, professional bokschimiz Murodjon Ahmadalievning chempionlik kamarlarini himoya qiluvchi jangi kutib turibdi. SHubhasiz, bu va boshqa yirik musobaqalarga hozirgi epidemiologik davrdan kelib chiqib, munosib tayyorgarlik ko'rish talab etiladi.

“Tokio Olimpiadasiga puxta tayyorgarlik doimo etiborimiz markazida bo'lishi kerak. Xalqimiz, Prezidentimiz bizdan chiroyli g'alabalar kutishmoqda. SHuningdek, muhtaram yurtboshimiz mamlakatimizda ommaviy sport targ'iboti, yoshlarimizning jismoniy tarbiya va sport bilan muntazam shug'ullanib borishlariga alohida etibor qaratmoqdalar. Bizni oldinda kutib turgan ikki musobaqa buning uchun tayyor voqelik. Bular orqali sog'lom turmush tarzini yoshlarimiz orasida keng targ'ib qilishimiz lozim”, – dedi MOQ raisi.

Rustam SHoabdurahmonov suhbat davomida sport targ'ibotini Jismoniy tarbiya va sport vazirligi, Yoshlar ishlari agentligi, mahalliy va xususiy telekanallar, internet nashrlari va blogerlar bilan hamkorlikda amalga oshirish bo'yicha o'z tavsiyalarini berib o'tdi. 

SHuningdek, Prezidentimiz ilgari surayotgan manaviy barkamollik, milliy mafkura yo'nalishlari bo'yicha ham sportchilarimizning ruhiyatini, bilimini oshirish masalalariga ham to'xtalib o'tdi. Suhbat yakunida kun tartibi va boshqa bir qator masalalar bo'yicha atroflicha fikr-mulohazalar bildirildi.