So’nggi yangiliklar

17:17WrestleMania 41 шоусининг илк кунги натижалари билан танишинг 0 16:52"UFC 317 учун Лас-Вегасда миллионлар жалб қилинган, турнирда Жонс ёки Махачев жанг қилиши керак" - журналист 0 16:25​Ўзбекистонлик ҳакамлар Элит ОЧЛ финал босқичида ишлайди 0 16:02Порье: "Фаолиятимни соғлом бўлиб якунламоқчиман" 0 15:39Жаҳон чемпионатида муваффақиятли иштирок этган Ўзбекистон хоккей терма жамоаси Тошкентга қайтиб келди (ВИДЕО) 0 15:18Кайо Борральо: "Хамзат жангга рози бўлди" 0 14:55Ўзбекистонни чeмпион қилган Исломбек Исмоилов финалдан сўнг нималар деди? 0 14:32ATP рейтинги. Султоновдан ташқари қолган ҳамма кўтарилди, Топ-10`да ўзгаришлар 0 14:10Осиё чемпионати. Кечаги кунни 4 та ғалаба ва 1 та мағлубият билан якунладик 0 13:48Кайо Борральо Хамзат Чимаевга қарши вақтинча чемпионлик учун жанг қилишга тайёр 0 13:25«Манчестер Сити» испаниялик футболчи учун 200 миллион фунт тўлашга тайёр 0 13:02Будапештдаги бокс оқшомида яна бир ҳамюртимиз жанг қилади 0 12:39Формула-1. Пиастри Саудия Арабистонидаги Гран-прида ҳам ғолиб бўлди 0 12:17Хамзат Чимаев дю Плесси билан жанг анонсининг қолдирилишига муносабат билдирди 0 11:56Шавкат Мирзиёев U-17 терма жамоамизни Осиё чемпионлиги билан табриклади 0

01 jan 19:11
Yangiliklar

Futbol

2025 yilda bizni kutayotgan musobaqalar

Mana, yangi yilni ham boshlab oldik.

Yangi yil bilan birga futbolimizga yangi mavsum ham kirib kelmoqda.

O'zbek futboli muxlislarining yangi mavsumdan umidi katta. Quyida 2025 yilda bizni kutayotgan xalqaro musobaqalar haqida to'xtalamiz.

2025 yil Ayollar o'rtasidagi futzal Osiyo chempionati saralash bilan boshlanadi. Saralash o'yinlari 3ta guruhda olib boriladi. Biz joy olgan guruh o'yinlariga Toshkent mezbonlik qiladi hamda barcha uchrashuvlar Yunusobod sport majmuasida bo'lib o'tadi. Ayni payt O'zbekiston ayollar futzal terma jamoasiga Farrux Zokirov murabbiylik qilmoqda.

Musobaqa formatiga ko'ra, har bir guruhdan ikkitadan jamoa to'g'ridan-to'g'ri Osiyo chempionatiga yo'l oladi. Ayollar o'rtasidagi futzal bo'yicha Osiyo chempionati 7-18 may kunlari Xitoyda o'tkaziladi. Saralash o'yinlari taqvimi quyidagicha:

13 yanvar. 15:00. Filippin - O'zbekiston

15 yanvar. 18:00. O'zbekiston - Quvayt

17 yanvar. 18:00. Avstraliya - O'zbekiston

19 yanvar. 18:00. O'zbekiston - Turkmaniston


U-20 Osiyo chempionati

Navbatdagi U-20 Osiyo chempionati 12 fevral - 1 mart kunlari Xitoyda bo'lib o'tadi. Ushbu musobaqada O'zbekiston yoshlar terma jamoasi ham ishtirok etadi. Farhod Nishonov shogirdlari C guruhida o'z o'yinlarini o'tkazadi.

U-20 Osiyo chempionatida 16ta terma jamoa qatnashadi. Musobaqa yakunlariga ko'ra, kuchli to'rtlikka kirgan jamoalar CHilida bo'lib o'tadigan U-20 Jahon chempionatiga yo'l oladi. O'zbekiston yoshlar terma jamoasining guruh o'yinlari taqvimi quyidagicha:

13 fevral. O'zbekiston - Yaman

16 fevral. Indoneziya - O'zbekiston

19 fevral. O'zbekiston - Eron


JCH-2026 saralash bosqichi

Albatta, eng asosiy etiborimiz mart va iyun oylarida bo'lib o'tadigan JCH saralash bahslariga qaratiladi. Mart oyida o'z maydonimizda Qirg'izistonni qabul qilib, so'ngra Eronga safar qilamiz. Oxirgi ikkita turni esa iyunda o'tkazamiz. Turnir jadvalida ikkinchi o'rinni egallab turganimiz hamda buyog'iga 4ta uchrashuv qolganini hisobga olsak, Jahon chempionatiga borish uchun juda yaxshi imkoniyatga egamiz.

7-tur. 20 mart. O'zbekiston - Qirg'iziston

8-tur. 25 mart. Eron - O'zbekiston

9-tur. 5 iyun. BAA - O'zbekiston

10-tur. 10 iyun. O'zbekiston - Qatar


U-17 Osiyo chempionati

SHu yilning 3-20 aprel kunlari Saudiya Arabistonida navbatdagi U-17 Osiyo chempionati bo'lib o'tadi. Bu musobaqada ham 16ta terma jamoa ishtirok etadi va U-20 Osiyo chempionatidan farqli o'laroq bunda 8ta jamoa U-17 Jahon chempionati yo'llanmasiga ega bo'ladi. 

Mazkur musobaqaga o'smirlar terma jamoamizni Islom Ismoilov tayyorlamoqda. Hozircha guruhlar aniq emas. Qura tashlash marosimi 23 yanvar kuni bo'lib o'tadi. Hozircha shunisi aniqki, qura jarayonida O'zbekiston mezbon Saudiya Arabistoni, Yaponiya va Janubiy Koreya bilan birgalikda 1-savatchadan joy oladi.


Elit OCHL va OCHL 2

Bu yil "Nasaf" mamlakat chempioni sifatida ilk bor Osiyo Elit chempionlar ligasida o'ynaydi. SHuningdek, O'zbekiston Kubogini qo'lga kiritgan "Andijon" o'z tarixida birinchi marta Osiyo chempionlar Ligasi 2 musobaqasida ishtirok etadi. Har ikkala musobaqaning guruh o'yinlari sentyabr oyida start oladi.


U-23 Osiyo chempionatiga saralash bosqichi

1-9 sentyabr kunlari U-23 Osiyo chempionatiga saralash uchrashuvlar bo'lib o'tadi. Hozircha saralash qay tartibda va qaerda bo'lib o'tishi haqida to'liq malumot berilmagan. SHunisi aniqki, navbatdagi U-23 Osiyo chempionati 2026 yilning 7-25 yanvar oralig'ida Saudiya Arabistonida o'tkaziladi.

Futzal bo'yicha Osiyo chempionatiga saralash

2026 yil Indoneziyada futzal bo'yicha navbatdagi Osiyo chempionati bo'lib o'tadi. Bu musobaqa 11-22 fevral oralig'ida o'tkaziladi. SHu yilning 15-26 oktyabr kunlari esa futzal bo'yicha Osiyo chempionatiga saralash bahslari tashkil etiladi. Hozircha saralash qaerda va qay tartibda o'tkazilishi aniq emas.


X.Xoliqov.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing