2026 yilda jahon chempioni bo'lishni niyat qilgan Xurshidbek Rasuljonov bilan intervyu

— Hozir faoliyatingizning qaysi bosqichidasiz? Siz afrikalik Lyusando Komanisini nokautga uchratgan Ekaterinburgdagi jangdan keyin bir oy o'tdi. Keyingi jangingiz uchun tayyorgarlik boshlanganmi?

— Hozirgi bosqichda yaxshi sport formasidaman va standart dastur bo'yicha navbatdagi jangimga tayyorgarlikni boshlab yubordim.

— 2025 yil yakunlari sarhisob qilinar ekan, dastur maksimum bajarildi deb aytish mumkinmi? Yoki ko'proq jang o'tkazishni xohlaganmidingiz?

— Har doim ko'prog'ini xohlayman. Har qanday ambiciyali sportchi kabi fikrlayman. O'ylaymanki, 2025 yil promouterim Rustem Imangaliev tomonidan tasdiqlangan jadval bo'yicha katta murabbiyim Adel Zaynetdinov bilan birgalikda muvaffaqiyatli o'tdi. Ularning bahosi bu yil uchun "yaxshi" (kuladi).

— Yangi 2026 yilda qanday maqsad va vazifalar turibdi?

— 2026 yil uchun promouter tomonidan qo'yilgan vazifa - asosiy yo'nalishlardan kamida bittasi bo'yicha chempionlik jangi o'tkazish.

— Hozir siz egalik qilayotgan Evropa Ittifoqi chempionlik kamari siz uchun qanchalik muhim va qadrli?

— EBP kamari to'liq chempionlik janglariga chiqish uchun zarur bo'lgan bosqichlardan biri hisoblanadi.

— 2025 yilga ikkinchi yarim engil vazn toifasida mutlaq jahon chempioni Naoya Inouening David Pikassoga qarshi shov-shuvli jangi yakun yasaydi. "Yapon yirtqichi"ga qarshi Pikassoning imkoniyatlarini qanday baholaysan?

— Inoue vaznidan qati nazar eng yaxshi bokschilardan biri va hozirda uning divizionida munosib raqib yo'q. Fikrimcha, Pikasso unga qarshi jangda hech narsa ko'rsata olmaydi. Ammo jang Naoya Inouening barcha chiqishlari kabi qiziqarli bo'ladi.

— Jeyk Polning Entoni Joshuaga qarshi o'tkazgan jangi sizga yoqdimi? Natija aynan shunday bo'lishini kutganmidingiz?

— Bu janglar fikrimcha, professional boksga yaxshilik keltirmaydi. Bu boksning qadrsizlanishi. Men bu cirkni hatto ko'rmayman ham.