23 okt 12:16
Yangiliklar

Tennis

37 yoshli Monfis Nordic Open turniri g'olibi!

SHveciyaning Stokgolm shahrida tennis bo'yicha nufuzli ATP turniri 37 yoshli Gael Monfisning g'alabasi bilan yakunlandi.

Dunyoning 140-raketkasi bo'lib kelgan franciyalik tennischi final bahsida ATP reytingida 109-pog'onada borayotgan rossiyalik Pavel Kotov ustidan irodali g'alabaga erishdi - 4/6, 7/6(6), 6/3. Bu tennischilarning o'zaro ilk uchrashuvi edi. Ikki soatu 36 daqiqa davom etgan dramatik bahsda Monfis 7, Kotov 2 ta eys zarbasini amalga oshirgan.

Franciyalik tennischi faoliyatidagi 12-sovrinini qo'lga kiritdi. BNP Paribas Nordic Open turniridagi muvaffaqiyatli ishtirok Gaelga 250 reyting ochkosi hamda 102,460 evro mukofot puli keltirdi. Kotov esa bir haftalik mehnatidan 150 ochko va 59,760 evro ishlab oldi. Bugun yangilangan haftalik reytingda Monfis 89, Kotov esa 81-pog'onaga ko'tarildi.