5 ta muhim tashabbusga bag'ishlangan "Yoshlar forumi"dan FOTOREPORTAJ

Bundan roppa-rosa ikki yil muqaddam Prezidentimiz SHavkat Mirziyoev boshchiliklarida o'tkazilgan videoselektor yig'ilishida yoshlarimizga bo'lgan etiborni yanada kuchaytirish, ularni madaniyat, sanat, jismoniy tarbiya va sportga keng jalb etish, yoshlarda axborot texnologiyalaridan foydalanish ko'nikmalarini shakllantirish, yurtimiz yoshlari o'rtasida kitobxonlikni keng targ'ib qilish kabi masalalarga alohida urg'u qaratilgan edi.

O'shanda davlatimiz rahbari yoshlar manaviyatini yuksaltirish va ularning bo'sh vaqtini mazmunli tashkil etish bo'yicha 5 muhim tashabbusni ilgari surgandi. Ushbu tashabbuslarning ikkinchisi – yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yo'naltirilgan.

Poytaxtimizdagi Yoshlar ijod saroyida besh muhim tashabbus ijrosiga bag'ishlangan Forum o'tkazildi. Unda Jismoniy tarbiya va sport vazirining birinchi o'rinbosari Ravshan Ermatov, Yoshlar ishlari agentligi direktori o'rinbosari Dilnoza Kattaxonova, Milliy Olimpiya qo'mitasi raisi Rustam SHoabdurahmonov, MOQ bosh kotibi Oybek Kasimov, O'zbekiston shaxmat federaciyasi raisining birinchi o'rinbosari Xusan Turdaliev ishtirok etdi.

“Bugun hukumatimiz tomonidan aholining barcha qatlamlari, xususan yoshlar orasida sog'lom turmush tarzini keng targ'ib etishga alohida etibor qaratilmoqda. Jumladan, 2020 yil 30 oktyabrdagi O'zbekiston Respublikasi Prezidentining “Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida”gi Farmonida ham aholining salomatligini mustahkamlashga alohida etibor qaratilgan bo'lib, unga muvofiq, mamlakatimizda yurish, yugurish, mini-futbol, velosport, badminton, stritbol va “Workout” sport turlarini ommaviylashtirish va rivojlantirish ko'zda tutilgan.

SHuningdek, Farmonga ko'ra, “Sog'lom turmush tarzi” platformasi ishga tushiriladi. Bunda, O'zbekiston hududida bir sutka davomida o'n ming va undan ortiq qadam yurgan 18 va undan yuqori yoshdagi O'zbekiston Respublikasi fuqarosining platformadagi elektron hamyoniga 3 ming so'mdan, har oyda har bir tuman (shahar) bo'yicha eng ko'p yurgan shaxsga 300 ming so'mdan, har bir hudud bo'yicha eng ko'p yurgan shaxsga 500 ming so'm, respublika bo'yicha eng ko'p yurgan shaxsga 1 million so'm qo'shimcha ravishda o'tkazib boriladi. Bu esa aholi orasida sog'lom turmush tarzining yanada ommalashuviga xizmat qiladi,” – dedi Forumda nutq so'zlagan R.Ermatov.

Tadbir davomida mehmonlar shu erda tashkil etilgan sport burchagi va bu erda sport bilan shug'ullanib kelayotgan yoshlar bilan uchrashdi, o'zaro muloqot chog'ida ularning orzu-umidlari va kelgusidagi rejalari bilan qiziqishdi.

SHuningdek, tadbir davomida ilm-fan, madaniyat va sport sohalarida yuqori natijalarga erishib kelayotgan bir guruh yoshlar qimmatbaho sovg'alar bilan taqdirlanishdi.

Suratlar muallifi - Alimurod MAMADAMINOV, o'z muxbirimiz