5ta tashabbus: sportimiz yulduzlari parkentlik yoshlar davrasida

SHulardan ikkinchi tashabbus - yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yo'naltirilgan bo'lib, bu borada yurtimizda qator ishlar amalga oshirilmoqda.

Bugun Toshkent viloyati, Parkent tuman bolalar-o'smirlar sport maktabida yosh sportchilar bilan davra suhbati o'tkazildi. Ushbu tadbirda dzyudo bo'yicha ikki karra jahon chempioni, Olimpiya o'yinlari sovrindori, “O'zbekiston iftixori” ko'krak nishoni sohibi Rishod Sobirov, Toshkent viloyati futbol associaciyasi vice-prezidenti Asqar Jadigerov, kurash sport turi bo'yicha o'n uch karra O'zbekiston chempioni, besh karra Osiyo chempioni, faxriylar o'rtasida jahon chempioni Azamjon SHokirjonov va boshqa mutasaddilar ishtirokida davra suhbati bo'lib o'tdi.

- Sport - bu mening hayotim, sport orqali ancha do'stlar orttirdim, dunyo kezdim va mashhurlikka erishdim. Agar sizlar ham sport yo'nalishida ketmoqchi bo'lsangiz, mehnatdan qochmang, qiyinchiliklarni engib o'tsangiz albatta kelajakda mashhur sportchi bo'lasiz, - dedi Rishod Sobirov.

Tadbir davomida yoshlar o'zlarini qiziqtirgan savollarga javoblar olishdi. SHuningdek, mehmonlar tomonidan tadbir yakunida yosh sportchilarga diplom va esdalik sovg'alari taqdim etildi.