Abdumalik Halakov jahon chempionatidagi asosiy raqiblar haqida gapirdi

"Insonning maqsadi bor ekan, unga etishmagunicha charchoq bilmaydi. Jahon chempionatiga tayyorgarlik alo darajada ketyapti. Sparringlar o'tkazdik, o'z xatolarimiz ustida ishladik.  Jahon chempionatida raqobat kuchli bo'ladi. Raqibni mensimasdan ringga chiqish xato hisoblanadi. Har qalay bu jahon chempionati, unda oson va kuchsiz raqiblar bo'lmaydi. Asosiy raqiblar sifatida Qozog'iston, Braziliya, Franciya vakillarini ayta olaman va yana 3-4 ta kuchli terma jamoalar bor. SHularning birinchi pog'onasida biz turibmiz (kuladi). 

Revansh olishim kerak bo'lgan bokschi afsuski, meni vaznimda ishtirok etmayapti. Nima ham derdik, agar peshonaga yozilgan bo'lsa, ringda uchrashib qolsak, g'alaba qozonib revansh olishga harakat qilaman.

CHempionatga boykot bergan davlatlar orasida u qadar kuchli bokschilar yo'q. Bitta Amerika kuchli, lekin okean ortida prof bokschilarning kuchliligi evaziga bu boykot amerikalik bokschilarga tasir o'tkazmaydi", - dedi Abdumalik Olamsport.com saytiga bergan intervyusida.