Abdumalik Xalokov kubalik raqibini engib, jahon chempionati oltin medalini qo'lga kiritdi!

Bugungi kun doirasidagi ikkinchi final jangi -57 kg vazn toifasida bo'lib o'tdi. Unda o'zbekistonlik Abdumalik Xalokov va kubalik bokschi Xorta Rodriges to'qnash keldi. Mazkur final jangi to'liq 3 raund davom etdi va unda hakamlarning yakdil qarori bilan 5:0 hisobida Abdumalik Xalokov g'alaba qozonib, jahon chempionati oltin medali hamda 200 ming dollar kafolatlangan gonorarga ega chiqdi. Jang davomida hamyurtimiz raqibini nokdaun holatiga ham solib qo'ydi. Qayd etish joiz, Xalokovning oltin medali O'zbekiston termasi uchun ushbu chempionatdagi umumiy hisobda to'rtinchi oltin medal bo'ldi.

Kumush medalga ega chiqqan Rodriges esa endilikda 100 ming dollar kafolatlangan gonorarni qo'lga kiritdi.