08 avg 09:19
Yangiliklar

Boks/MMA

Abdurasul Ismoilov Inouega qarshi chempionlik kamari uchun jang qiladi!

30 avgust kuni Yaponiya poytaxti Tokio shahrida navbatdagi professional boks oqshomi bo'lib o'tadi.

Biz uchun ahamiyatlisi, mazkur oqshomda engil vazn toifasida o'zbekistonlik charm-qo'lqop ustasi Abdurasul Ismoilov (10-1) vakant bo'lib turgan WBO Asia Pacific kamari uchun jang qiladigan bo'ldi. Unga o'sha kuni hamyurtimizg yaponiyalik tajribali bokschi Koki Inoue (16-1) raqiblik qiladi. Malumot uchun, Koki eng engil vaznda sobiq mutlaq jahon chempioni Naoya Inouening amakivachchasi hisoblanadi.

Eslatib o'tamiz, Abdurasul Ismoilov so'nggi jangini joriy yilning 11 mart kuni mo'g'ulistonlik Ochirsuren Amarsanaga qarshi o'tkazib, 2-raundda nokaut bilan g'alaba qozongan edi. Koki Inoue esa fevral oyida o'tkazgan oxirgi jangida Tailand vakili Pakorn Aemyodni nokautga uchratgan edi.