Abdurasul Ismoilov mo'g'ulistonlik raqibini nokautga uchratib, faoliyatidagi o'ninchi g'alabani qo'lga kiritdi!

Engil vazn toifasida jang qilib kelayotgan o'zbekistonlik professional bokschi Abdurasul Ismoilov Janubiy Koreya poytaxti Seul shahrida navbatdagi jangi doirasida ringga ko'tarildi.

Ushbu jang Fight World1 International Fight Night turniri doirasida o'tkazilib, hamyurtimizga mo'g'ulistonlik Ochirsuren Amarsana raqiblik qildi. Jang 2-raunddayoq Abdurasul Ismoilovning raqibini nokautga uchratishi natijasida muddatidan avval yakunlandi.

SHu tariqa, hamyurtimiz professional boksdagi o'ninchi g'alabasini qo'lga kiritdi. Mo'g'ul bokschisi esa debyut jangida mag'lubiyatga uchradi.