24 okt 16:41
Yangiliklar

Dzyudo

Abu-Dabi "Katta Dubulg'a". Ahadov, Nurullaev va Keldiyorova ishtiroklarini yakunlashdi

Bugun BAA poytaxti Abu-Dabi shahrida dzyudo bo'yicha "Katta Dubulg'a" turkumiga kiruvchi turnir start oldi.

-66 kg vazn toifasida O'zbekiston nomidan ikki dzyudochimiz tatamiga chiqdi. Sardor Nurillaev birinchi bosqichda slovakiyalik Matey Polyakni mag'lub etdi, lekin ikkinchi davrada koreyalik An Baulga yutqazib qo'ydi.

Ushbu vazndagi ikkinchi vakilimiz SHahram Ahadov esa to'g'ridan-to'g'ri ikkinchi davradan kurashga qo'shildi va ilk uchrashuvidayoq ispaniyalik Alberto Martin Gayteroga imkoniyatni boy berdi.

Ayollar o'rtasidagi -52 kg vazn toifasida yurtimiz sharafini himoya qilgan Diyora Keldiyorova birinchi davrada gruziyalik Maryam Janashvilini engdi. Ammo, ikkinchi bosqichda britaniyalik CHelsi Jilesdan engildi.