05 sen 13:43
Yangiliklar

Boks/MMA

Adesanya - Striklend to'qnashuvi uchun zaxira jangchisi tasdiqlandi

Xabaringiz bor, 9 sentyabr kuni Avstraliyaning Sidney shahrida navbatdagi raqamlangan UFC turniri bo'lib o'tadi.

UFC 293 turnirining markaziy jangi o'rta vazn toifasida amaldagi chempion Israel Adesanya hamda davogar SHon Striklend o'rtasida o'tkaziladi. UFC rasmiylari ushbu jang uchun zaxira variantini tasdiqlashdi. O'rta vaznlilar reytingida uchinchi o'rinni egallab turgan Jared Kannonir jarohat olgan yoki vazn qila olmagan jangchining o'rniga oktagonga ko'tariladi.

Eslatib o'tamiz, o'tgan yilning iyul oyida Jared Kannonir Israel Adesanyaning chempionlik kamarini tortib olish uchun urinib ko'rgan edi. Lekin nigeriyalik chempion yakunda ochkolar hisobiga ko'ra g'alaba qozongandi. SHundan keyin 39 yoshli amerikalik ikkita jangda zafar quchdi. U SHon Striklend va Marvin Vettoridan ustun keldi.