Ajoyib! Nursulton Ro'ziboev UFC'dagi birinchi jangidan umumiy miqdorda qancha pul ishlab olgani malum bo'ldi

UFC'dagi debyut jangida braziliyalik Bruno Ferreyrani ilk raundda nokautga uchratgan hamyurtimiz birinchi jangi uchun 16 000 $ ishlab olgani malum bo'ldi. Bundan tashqari, Nursulton "eng yaxshi ishtirok" uchun 50 000 $ miqdorida bonusga ham ega bo'ldi. SHunday qilib, Nursulton Ro'ziboev UFC'dagi birinchi jangi uchun umumiy hisobda 66 000 $ ishlab oldi. Ro'ziboevning raqibi Bruno Ferreyra esa bu jang uchun 16 000 $ bilan cheklandi.

Malum bo'lishicha, UFC Nursultonga jang uchun 12 000 $, reklama uchun esa 4 000 $ to'lagan.

Qayd etish joiz, liga jangchilarga o'z formalarida Reebok kompaniyasini reklama qilishlari uchun pul to'laydi. Bunda jangchilarning maqomi, yani UFC'da nechta jang o'tkazgani va nomdorligi rol o'ynaydi.