12 jan 07:19
Yangiliklar

Boks/MMA

AKA Thailand zali egasi Xabibning otasi nima uchun jangchilarini Tailandga kiritmaganini aytdi

Sobiq UFC jangchisi, Tailanddagi AKA mashg'ulot zali egasi Mayk Svik Xabibning otasi va murabbiyi Abdulmannop Nurmagomedov nima sababdan o'z shogirdlarini Tailandda mashg'ulot qilishga ruxsat bermaganini ochiqladi.

Buning sababi sifatida u mamlakatga xos bo'lishi mumkin bo'lgan chalg'ituvchi omillarni keltirdi.

"Xabibning otasi har doim chalg'ituvchi omillar tufayli Tailandga borishda muammolarga duch kelgan, shuning uchun men Xabib qachondir keladi deb o'ylamayman. Ehtimol Islam Maxachev va Xabibning atrofidagi boshqa yaqin do'stlari ham bu erga kelmaydi.

Boshqa ko'plab dog'istonliklar ham bizga kelishga qarshi emas, ammo Xabibning jamoasi bunga rozi bo'lmaydi. Agar ular kelishsa, juda yaxshi bo'lardi. Zalni endi qurayotganimizda Xabib Nurmagomedovga hamma narsa yoqardi, u bizni ijtimoiy tarmoqlarda kuzatib borardi. Lekin baribir, biz uni bu erda ko'rmadik. Balki bu bir kun kelib u kelar", - dedi Red Corner MMA nashriga bergan intervyusida.