"Al Nassr"ga transfer taqiqi qo'yildi

FIFA "Al Nassr”ga transfer taqiqini joriy qildi. Bu haqda jurnalist Ben Jeykobs xabar berdi.

"Al Nassr" Ahmad Musaning transferi uchun "Lester"ga bonuslar bermadi. Sport arbitraj sudi ingliz klubi foydasiga qaror chiqargan bo'lsa-da, pul haligacha to'lanmagan.

Manbaga ko'ra, agar klub imkon qadar tezroq "Lester"ga bonuslar to'lasa, "Al Nassr"dan qo'yilgan taqiq bir necha hafta ichida olib tashlanadi.

Saudiya Arabistoni klubi mavsum oldidan hozircha faqat yarim himoyachi Marcelo Brozovich bilan shartnoma imzolashga muvaffaq bo'ldi.