Albatta o'qing! Nurmagomedov vs Makgregor. Kimning imkoniyati yuqori? (so'rovnomaning davomi)

Darhaqiqat, bu jangning g'olibini avvaldan bashorat qilish juda ham qiyin yoxud kim kuchli ekanligi borasida fikr bildirish! Biz yurtimizdagi ko'zga ko'ringan sport jurnalistlari, sportchi va murabbiylar, sanat ahli vakillarining fikr va mulohazalarini etiboringizga havola etishni davom ettiramiz. 

Sardor Toshxo'jaev – Milliy Olimpiya Qo'mitasi SHarq yakkakurashi va jang sanati departementi mutasaddisi

- Avvalo, kim g'alaba qozonadi, bu Yaratganning o'ziga ayon. SHaxsan men Xabib Nurmagomedovning g'alabasini taxmin qilyapman. Sababi, Xabib hali yosh, mag'lubiyatga uchramagan. Qolaversa, uning muvaffaqiyatlari oldinda. Konor Makregor esa, mag'lubiyat alamini totib ko'rgan. Faoliyatida nokautga uchragan holatlari ham bo'lgan. To'g'ri, bu faktlar nisbiy tushuncha xolos. Biroq, ushbu omillar ham qaysidair manoda Xabibning ustunlik tomonlaridan biri, deb o'ylayman. Yana bir holatni alohida takidlab o'tish lozimki, irlandiyalik sportchi ko'proq “shou” lar bilan ovora bo'ldi. Bunday darajadagi sportchi jismoniy holatini ushlab turish uchun ko'proq o'z ishi bilan mashg'ul bo'lishi kerak, nazarimda.   

Qudratillo Abduqahhorov - WBC silver kamari sohibi

- Bu jangni juda uzoq kutdik. Albatta, Xabib Nurmagomedovga muxlislik qilaman. Uning g'alaba qozonishiga ishonaman. Olg'a, Xabib!

G'ayrat Usmonov - xonanda

- Imkoniyatlar 50/50! Bu sport turini kuzatib boraman va har ikkisining jang olib borish uslublari yoqadi. Albatta, Xabib Nurmagomedovga ishqibozlik qilaman. Lekin Konor Makgregorda tajriba yuqoriroq, deb o'ylayman. Konorga tajriba asqotishi mumkin.

Azizbek Abug'ofurov - WBC silver kamari sohibi

- To'g'risi, boks bo'lganida ishonch bilan kim yutishini aytishim mumkin edi. SHunday bo'lsada, Xabibni qo'llab-quvvatlayman va uning g'alaba qozonishini xohlardim.

Ahmadjon ESHMATOV yozib oldi, o'z muxbirimiz