Aldo boshqa MMAʼga qaytmasligini aytdi

"Endi men yaxshiroq yo'l izlayapman. Albatta, aralash jang sanatiga qaytmayman. Promoushenga taklif qilganingiz uchun rahmat. Lekin, UFC bilan shartnomam bor. Keling, keyin nima bo'lishini ko'ramiz. Yana bir variant bor — boks. Bu eski orzu. Bir necha yil jang qildim, endi mening o'g'lim bor va u bilan birga bo'lishni xohlayman. SHundan keyin nima qilishni o'ylab ko'ramiz", - dedi Aldo.

Braziliyalik jangchi 2011 yil engil vaznda, UFC 129 turnirida debyut qilgan. Keyinchalik u bu vaznda chempionlik kamarini qo'lga qiritdi va uch yil davomida qatorasiga etti marta chempionlikni himoya qildi.

2015 yil dekabr oyida Aldo irlandiyalik Konor Makgregorga nokaut evaziga yutqazan. Ammo, keyin amerikalik Frenk Edgarni mag'lub etib yana chempion bo'lgandi. Amerikalik Maks Xollueydan ikki marotaba va avstraliyalik Aleks Volkanovskiga bir marta mag'lub bo'lgan. Keyin braziliyalik sportchi o'z karerasining so'nggi yillarida engil vazn toifasiga ko'tarildi.

Aldo UFCʼda 20 marta jang o'tkazgan. SHu yilning avgust oyida bo'lib o'tgan UFC 278 turniridagi so'nggi jangida Jose gruziyalik Merab Dvalishviliga ochkolar hisobida mag'lub bo'lgandi.