Aleksandr Zverev 14 oydan so'ng ilk bor ATR turniri finaliga chiqdi

Jahonning 19-raketkasi, mezbonlar vakili Aleksandr Zverev yarim finalda ATR reytingida 71-o'rinni egallab turgan franciyalik Artur Fisga qarshi kortga chiqdi. 

Bir soatu 29 daqiqa davom etgan uchrashuvda Zverev raqibini 2 set natijasiga ko'ra 6/2, 6/4 hisobida mag'lub etib, o'z uyida o'tayotgan turnir finaliga chiqdi. 

Etiborlisi, Zverev 2022 yilning may oyida Madridda Karlos Alkarazga mag'lub bo'lganidan beri ilk bor finalga chiqdi. O'tgan yilgi “Rolan Garros”da u oyog'idan jarohat olib, iyun oyida operaciya qilingan edi. SHundan so'ng u Turga faqat shu mavsumda qaytdi.

Endi u musobaqa finalida serbiyalik Laslo Jerega qarshi bahs olib boradi.