Amerikada Useyn Boltning bronzadan yasalgan haykali ochildi + FOTO

Bu 8 karra Olimpiya o'yinlari chempioni hamda 100 va 200 metr masofaga yugurish bo'yicha jahon rekordchisining AQSHdagi ilk haykali hisoblanadi. U Miramar shahridagi sport markazida qad rostladi. 

Miramar - yamaykaliklarning rivojlanishidagi eng yirik markazlardan biri hisoblanadi. Ushbu haykalni yamaykalik haykaltarosh Bezil Barrington Uotson yasadi. Ochilish marosimida Boltning o'zi ham ishtirok etdi.

"Barcha davrlarning eng buyuk sprinteri Useyn Boltning haykali aynan bizning Miramarda ochilganidan va bu joyga rahbarlik qilayotganimdan juda xursandman. Jahon undan tezroq bo'lgan sprinterni ko'rmadi. "Ansin" sport majmuasida "Sanatni jamoat joylarida namoyon qilaylik" tashabbusi ostida Boltning ilk haykalini o'rnatish biz uchun sharaf bo'ldi.

Bu orqali biz ushbu sport turini endi boshlayotgan sportchilarga "Balki, barchasi cheksizdir" degan fikrni eslatib o'tmoqchimiz. Buni Boltning o'zi ham ko'p takrorlaydi", - dedi shahar vice-meri Aleksandra Devis.

Aytgancha, bu Boltning ikkinchi haykali hisoblanadi. Uning ilk haykali 2017 yili Yamaykada ochilgandi.