24 iyu 16:07
Yangiliklar

Boks/MMA

Andijonda o'tkaziladigan Mangu 4 turnirining markaziy jangi rasman elon qilindi + POSTER

Xabar berganimizdek, MMA bo'yicha Mangu Ligasi o'zining navbatdagi turnirini Andijon viloyatida tashkil etadi.

Avgust oyida bo'lib o'tadigan mazkur musobaqaga Andijon shahridagi "Universal" sport saroyi mezbonlik qiladi.

Tashkilotchilarning malum qilishicha, oqshomning markaziy jangi o'zbekistonlik taniqli aralash yakkakurash ustasi Xotambek Boynazarov va Portugaliya vakili Renjel de Sa o'rtasida kechadi.

Aslida, mazkur qarama-qarshilik 6 iyun kuni Samarqandda bo'lib o'tgan Mangu 3 turnirida o'tkazilishi kerak edi. Ammo Boynazarovning jang oldidan sog'lig'ida muammolar paydo bo'lgani bunga to'sqinlik qilgandi.