Andijonda “Workout” musobaqasi g'oliblari aniqlandi

Yoshlarning bo'sh vaqtini mazmunli tashkil etish, ularni jismoniy tarbiya va sportga keng jalb qilish maqsadida ananaviy tarzda o'tkazib kelinayotgan mazkur musobaqada mamlakatimizning 14 ta hududidan 42 nafar yosh ishtirok etdi.

18-30 yosh toifasidagi yigitlar o'rtasida tashkil etilgan musobaqada ishtirokchilar turnik va brusda tortilish mashqlarini bajardi.  

Andijon shahridagi Ekoparkda joylashgan vorkout maydonida o'tkazilgan musobaqalar yuqori malakali hakamlar tomonidan baholab borildi. Mashqlarni belgilangan talablar asosida sifat va son jihatdan ustunlikda bajargan ishtirokchilar g'oliblikni qo'lga kiritdi.  

Yakuniy natijalarga ko'ra,  Qashqadaryo viloyatidan Daler Bo'riev birinchi, Surxondaryo viloyatidan Obidjon Xolmo'minov ikkinchi, Qoraqalpog'iston Respublikasidan Jasur Rajabboev uchinchi o'rinni egalladi.  

G'olib va sovrindorlar tashkilotchilar tomonidan medal, diplom hamda esdalik sovg'alari bilan taqdirlandi.  

Takidlash joiz,  mazkur musobaqada faxrli 1,2,3-o'rinni egallagan yoshlarning mahallalarida sport maydonchalari qurib beriladi.