Antaliya "Katta Dubulg'a". Birgina Ahadov qoldi, qolganlar ishtiroklarini yakunlashdi

Afsuski, bugun kurashga kirishgan 6 dzyudochimizdan faqat bir nafarigina medal qo'lga kiritish imkoniyatini saqlab qoldi. -73 kg vazndagi dzyudochimiz SHahram Ahadov 1/4 finalda ozarbayjonlik Rashid Mammadalievga yutqazib qo'ydi. Endi u bronza medali yo'lidagi o'tish bahsida tailandlik Masayuki Teradaga qarshi tatamiga chiqadi. Bu vazndagi ikkinchi dzyudochimiz Murodjon Yo'ldoshevga taqiqlangan usul qo'llagani uchun mag'lubiyat yozildi.

Qolgan dzyudochilarimiz esa saralash bahslaridayoq ishtiroklarini yakunlashdi. -81 kg vazndagi SHarofiddin Boltaboev uchinchi davrada amaldagi Olimpiada chempioni, yaponiyalik Takanori Nagasega shido, yani ogohlantirishlar hisobiga imkoniyatni boy berdi. Ushbu vazndagi yana bir vakilimiz Nurbek Murtazoev ham uchinchi bosqichda kanadalik Drapeudan engildi. 

-70 kg vazn toifasidagi tajribali vakilamiz Gulnoza Matniyazova ilk uchrashuvida portugaliyalik Tais Pinaga, SHohista Nazarova vengriyalik Sabina Gerjakka yutqazib qo'ydi.